விளையாடுவோம் கொண்டாடுவோம் : :

விளையாடுவோம் கொண்டாடுவோம் : :
      தொடங்கியது ஒலிம்பிக் திருவிழா கூடவே தொடங்கிவிடும் நம் புலம்பலும் இந்தியாவின் பதக்க வேட்டையை பார்த்து.  நமது அண்டை நாடோ பதக்கத்தை அறுவடை செய்து கொண்டிருக்கும், நாமோ அவர்கள்  அறுவடை செய்யும்போது சிந்துவதையும் சிதறுவதையும் எடுத்துக்கொண்டு வருவோம். போட்டி முடிந்தவுடன் குழு அமைத்து குளிர்பானம் அருந்தி சில நாள் ஓட்டுவார்கள்..
      வீரர் வீராங்கனைகளை குறை கூறி என்ன பயன் அவர்களின் ஆடைகளைகூட இன்னும் நம்மால் தரமாய் தர இயலவில்லை. வில்வித்தையில் உலக தரவரிசையில் முதலிடத்தில் இருக்கும் தீபிகா குமாரி நிலைமை யாவரும் அறிந்ததே வாழ்கை நடத்த வழியில்லாமல் வில்லை விற்ற கொடுமை, ஆனால் அதே ஊர்க்காரரான கிரிக்கெட் வீரரோ கோடியில் புரள்கிறார். நம் தேசிய விளையாட்டான ஹாக்கியோ இன்னும் மட்டமான நிலையில் உள்ளது ஹாக்கி பயிற்சி மேற்கொள்ளும் இளைஞர்களுக்கு அழுகிய பழத்தில் பழச்சாறு.இப்படி இருக்க அவர்களுக்கு முழு விளையாட்டு விளையாட சத்து எங்க இருக்க போகுது.
   சரி அரசாங்கத்திடம் மட்டும் தான் தவறா இந்தியா பதக்கம் வாங்கல வாங்கல என ஆதங்க படும் பெற்றோர்களே ஏன் உங்கள் பிள்ளை ஒரு விளையாட்டு வீரனாகவோ வீராங்கனையாகவோ வர நீங்கள் ஏன் அனுமதிப்பதில்லை அட போருக்கு அனுப்பாதீங்க விளையாட கூடவா. இன்றைய குழந்தைகள் கணினியுடன் விளையாடும் நேரமே அதிகம். வேண்டுமென்றால் பிற்காலத்தில் ஒலிம்பிக் போட்டி கணினிமயம் ஆனால் நாம் பதக்கம் வெல்ல வாய்ப்பு பிரகாசமோ..
                                       இனியேனும் வீரர்களை குறை கூறுவதைவிட அவர்களுக்கு என்ன செய்யலாம் என்று அரசாங்கம் சிந்திக்கட்டும் நம் பிள்ளைகளை விளையாட்டு வீரர் ஆவதை வளர்ப்போம்     .....

      விளையாட்டை வளர்ப்போம் விளையாட்டை போற்றுவோம்........ விளையாட்டை போற்றுதும் போற்றுதும்